Brailvi Books

    میٹھے میٹھے اسلامی بھائیو!جس طرح فرائض وواجِبات کی کوتاہی کرنے والوں کی کوتاہیوں کا بِلا اجازتِ شرعی پیچھے سے تذکِرہ غیبت ہے، مُستَحَبَّات ونوافِل میں بھی برائی بیان کرنے کے طور پر تذکرہ کرنے کا یہی حکم ہے ۔ کیوں کہ یہ بھی اِیذائے مُسلم کا باعِث ہے۔ مُستَحَبَّات و نوافِل میں سُستی کرنے والوں کی غیبتوں کی9مثالیں مُلاحَظہ ہوں :*وہ تہجُّد نہیں پڑھتا*اس نے زندگی میں کبھی عاشورا کا روزہ نہیں رکھا *اشراق چاشت نہیں پڑھتا *وہ اَوّابین کیا پڑھے گا!اس کو یہ تو پوچھو کہ یہ نوافِل کس وقت پڑھے جاتے ہیں *وہ تبرُّک کہہ کر نیاز تو کھالیتا ہے مگر اِس کے لئے چندہ کبھی نہیں دیتا*میرا سیٹھ ذرا وائڑا(یعنی ٹیڑھا)ہے تین دن کے مَدَنی قافِلے کیلئے چُھٹّی ہی نہیں دیتا*میں نے اُس سے کہا بھی کہ سب پڑھ رہے ہیں تم بھی صلوٰۃ ُالتّوبہ پڑھ لو مگرا س نے نہیں پڑھی* قراٰن خوانی میں سب سے آخِر میں پہنچتا ہے شاید اِس کو قراٰن پڑھنا نہیں آتا خوہ نعت خوانی میں تاخیر سے بلکہ نیاز کے وقت پہنچتا ہے۔

غیبت کے انداز

دعوتِ اسلامی کے اِشاعتی ادارے مکتبۃُ المدینہ کی مطبوعہ 413 صَفحات پر مشتمل کتاب ، ''عُیُونُ الحکایات''حصّہ دُوُم صَفْحَہ313پر حضرتِ سیِّدُنا