Brailvi Books
 |
غیبت کی تباہ کاریاں |
38 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)اُس شخص کی ناک خاک آلود ہو جس کے پاس میرا ذکر ہو ا وروہ مجھ پر دُرُود پاک نہ پڑھے۔
نَماز و روزہ کی نو رانیّت گئی
میٹھے میٹھے اسلامی بھائیو! غیبت کی تباہ کاریوں میں سے یہ بھی ہے کہ اس کی نُحوست سے عبادت کی نُورانیَّت رخصت ہو جاتی ہے چُنانچِہ ایک بار کا ذِکر ہے کہ دو روزہ دار جب نَمازِظہر یا عَصر سے فارِغ ہوئے تو(غیب جاننے والے)پیارے پیارے آقا مکّی مَدَنی مصطَفٰے صلَّی اللہ تعالیٰ علیہ واٰلہٖ وسلَّم نے فرمایا: تم دونوں وُضُو کرو اور نَماز دُہراؤ اور روزہ پورا کرو اور دوسرے دن اِس روزے کی قَضاء کرنا۔ اُنہوں نے عَرْض کی:یارسولَ اﷲ عَزَّوَجَلَّ وَصلَّی اللہ تعالیٰ علیہ واٰلہٖ وسلَّم یہ حُکْم کس لئے ہوا ؟ فرمایا :تم نے فُلاں شخص کی غیبت کی ہے۔
(شُعَبُ الْاِیمان ج۵ ص ۳۰۳ حدیث ۶۷۲۹ )