Brailvi Books

رشوت لینے دینے والے پر لعنت

حضرتِ سیِّدُناثَوبان رضی اللہ تعالیٰ عنہ سے روایت ہے :رسولُ اللہ عَزَّوَجَلَّ و صلَّی اللہ تعالیٰ علیہ واٰلہٖ وسلَّم نے رِشوت دینے والے ،رِشوت لینے والے اوران دونوں کے درمیان مُعامَلہ کروانے والے پرلعنت فرمائی ہے ۔

            (مُسندِ اِمام احمد ج۸ ص۳۲۷ حدیث۲۲۴۶۲)

اگر کمپنی والے ڈاکٹر کو تحفہ کہہ کر دیں تو؟

اگر کمپنی والے یہ کہیں کہ ہم بطورِ تحفہ ڈاکٹر کو یہ اشیاء دیتے ہیں لہٰذا اس میں کوئی حَرَج نہیں ہونا چاہے تو اسکا جواب یہ ہے کہ تحفہ اور رِشوت میں ایک بَہُت واضِح فرق ہے اور وہ یہ ہے کہ رِشوت اِس شَرط کے ساتھ دی جاتی ہے کہ جس کو دی گئی ہے وہ دینے والے کا کوئی کام کریگا جبکہ تحفہ بغیر کسی شرط کے دیا جاتا ہے اور صورتِ مسؤلہ(یعنی پوچھی گئی صورت )میں اسی شرط پر دیا جاتا ہے کہ ڈاکٹر اسی کمپنی کی دوائیں لکھے ،جو ڈاکٹر اِس کمپنی کی دوائیں نہیں لکھتا انہیں''یہ خاص تحائف ''نہیں دیئے جاتے۔ ''فَتحُ القدیر''میں ہے:

اَلْفَرْقُ بَیْنَ الرِّشْوَۃِ وَالْھَدِیَّۃِ اَنَّ الرِّشْوَۃَ یُعْطِیْہِ بِشَرْطِ اَنْ یُّعِیْنَہُ