Brailvi Books

نَسَب(خاندان)کے حوالے سے غیبت یہ ہے کہ مثلاً وہ یوں کہے کہ اس کا باپ * موچی ہے یا *خاکروب (جھاڑو دینے والا)ہے ۔اَخلاق کے حوالے سے غیبت اس طرح ہے کہ *وہ بد اخلاق ہے* بخیل (کنجوس)* مُتَکبِّر (مغرور)* ریاکار*بَہُت غصّے والا * بزدل*عاجِز*کمزور دل اور* لاپرواہ ۔ افعال میں غیبت یہ ہے کہ ایسے کاموں کا ذکر کیاجائے جن کا دین سے تعلُّق ہے جیسے تم کہو کہ* وہ چور ہے* جھوٹا ہے*شراب خور ہے* خیانت کرنے والا یا* ظالم ہے*نَماز یا *زکوٰۃ میں سستی کرنے والا ہے یا یہ کہ* رکوع اور* سجدہ بھی اچھی طرح نہیں کرتا* نَجاستوں (یعنی ناپاکیوں )سے نہیں بچتا* ماں باپ کے ساتھ حُسنِ سُلوک نہیں کرتا* زکوٰۃ صحیح مقام پر ادا نہیں کرتا یا *اس(یعنی زکوۃ)کی تقسیم صحیح طریقے پر نہیں کر تا یا کہ* اپنے روزے کوگناہوں* غیبتوں اور*لوگوں کی عزَّتوں میں دَخل اندازی سے نہیں بچاتا ۔ اور دُنیاسے مُتَعَلِّق افعال میں غیبت کی صورت یہ ہے کہ * وہ زیادہ با ادب نہیں ہے* لوگوں کے ساتھ تو ہین آمیز سُلوک کرتا ہے* اپنے آپ پر کسی دوسرے کا حق نہیں جانتا یا یہ کہ * وہ دوسروں پرصِرف اپنا حق سمجھتا ہے یا یہ کہ* وہ بَہُت زیادہ باتیں کرتا ہے* بَہُت کھاتا ہے*بَہُت سوتا ہے* بے وقت سوتا ہے *ہر جگہ بیٹھ جاتا ہے۔کپڑوں کے مُتَعَلِّق غیبت کی صورت یہ ہے کہ مَثَلاً * اس کی آستین بَہُت کھلی ہے*دامن لمبا ہے اور* کپڑے میلے ہیں۔