اَلْحَمْدُلِلّٰہ عَزَّوَجَلَّ
مَدَنی قافِلے میں سفر کے دَوران ہی گھر والوں نے فون پر اطّلاع دی کہ پیشاب میں خون آنا بھی بند ہوگیا ہے اور اس نے دودھ پینا بھی شروع کردیا ہے ۔میں مَدَنی قافِلے سے اتوار کو واپس آیا اور
اَلْحَمْدُلِلّٰہ عَزَّوَجَلَّ
دوسرے دن یعنی پیر شریف کو اَسپتال سے چُھٹّی بھی مل گئی اور ہم مَدَنی مُنّے کو گھر لے آئے ۔
اَلْحَمْدُلِلّٰہ عَزَّوَجَلَّ
مَدَنی قافِلے کی بَرَکت سے میرا مَدَنی مُنّا بالکل ٹھیک ہو گیا ۔ اللہ عَزَّوَجَلّ دعوتِ اسلامی کے مَدَنی ماحول کو سلامت رکھے۔
اٰمِین بِجَاہِ النَّبِیِّ الْاَمین صلَّی اللہ تعالیٰ علیہ واٰلہٖ وسلَّم
بچّہ بیمار ہے،باپ بیزار ہے غم کے سائے ڈھلیں،قافِلے میں چلو
غم چلے جائیں گے،دن بھلے آئیں گے صبر سے کام لیں، قافِلے میں چلو
صَلُّوا عَلَی الْحَبِیب ! صلَّی اللہُ تعالٰی علٰی محمَّد
(37)15سالہ مریضہ کی ایمان افروز صِحّت یابی
میٹھے میٹھے اسلامی بھائیو!دیکھا آپ نے! مَدَنی قافلے کی بَرَکت ناقِص بچّہ نہ صرف زندہ بچ گیا بلکہ صحت مَند بھی ہو گیا ۔اللہ عَزَّوَجَلَّ کی قدرت کے یہ سب کرشمے ہیں، یقینا دعوتِ اسلامی والوں پر ربُّ الاکرم عَزَّوَجَلَّ کا بے انتِہا کرم ہے۔ بے شک اللہ عَزَّوَجَلَّ چاہے تو کیسا ہی گمبھیر مسئلہ ہوچٹکی میں حل ہو جاتا ہے۔ اِس ضمن میں ایک ایمان افروز حکایت سنئے اور جھومئے چُنانچِہ بغداد شریف میں ایک عَلَوی لڑکی رہتی تھی، وہ پندرہ سال تک اَپاہج(یعنی معذور)
