Brailvi Books

اٰمِین بِجَاہِ النَّبِیِّ الْاَمین صلَّی  اللہ تعالیٰ علیہ واٰلہٖ وسلَّم

   سبحٰنَ اللہ اولیاء ُاللہ کی بھی کیسی بُلند شانیں ہوتی ہیں!وہ اپنی برائیاں کرنے والوں بلکہ جان کے در پے رہنے والوں کے ساتھ بھی حسنِ سلوک کیا کرتے ہیں، کسی نے سچ ہی تو کہا ہے  ؎

بدی را بدی سَہل باشَد جَزا

اگر مَردی اَحسِن اِلیٰ مَن اَسا

(یعنی بدی کا بدلہ بدی سے دینا تو آسان ہے اگر تو مر د ہے تو برائی کرنے والے کے ساتھ بھی بھلائی کر)

صَلُّوا    عَلَی الْحَبِیب !               صلَّی اللہُ تعالٰی علٰی محمَّد

(30)دوگُدڑیوں والا

     دعوتِ اسلامی کے اِشاعتی ادارے مکتبۃُ المدینہ کی مطبوعہ 413 صَفحات پر مشتمل کتاب ، ''عُیُونُ الحکایات''حصّہ دُوُم صَفْحَہ18پر ہے :حضرتِ سیِّدُنا ابراہیم آجُرِی کبیر علیہ رحمۃ اللہ القدیر فرماتے ہیں:سردیوں کے دن تھے میں مسجِد کے دروازے پر بیٹھاہوا تھاکہ قریب سے ایک شخص گزرا جس نے دو گُدڑیاں اوڑھ رکھی تھیں۔ میرے دل میں بات آئی کہ شاید یہ بھکاری ہے ،کیا ہی اچّھا ہوتا کہ یہ اپنے ہاتھ سے کما کرکھاتا ۔ جب میں سویا تو خواب میں دو فرشتے آئے