Brailvi Books

 (تفسیر رُوحُ الْبیان ج۹ ص۸۹ )

''غیبت کرنا گناہ ہے ''کے چودہ حُرُوف کی نسبت سے نَفلی کاموں کے مُتَعَلِّق غیبت کی 14مثالیں

    میٹھے میٹھے اسلامی بھائیو!اِس حکایت سے معلوم ہوا کہ تہجُّد وغیرہ نفلی عبادات سے غافل ہو کر ساری رات سویا رہنا اُس کے حق میں بہتر ہے جوکہ رات بھر عبادت تو کرے مگر غیبت کی آفت میں بھی جا پڑے۔ تہجُّد ونوافِل ادا کرنابے شک کارِ ثواب ہے مگر غیبت کرنے والا حقدارِ عذاب ہے۔ اِس حِکایت میں اُن لوگوں کیلئے عبرت کے کثیر مَدَنی پھول ہیں جو بِلا حاجتِ شرعی اِس طرح سے غیبتیں کرتے ہیں مَثَلاً *فُلاں اِشراق چاشت نہیں پڑھتا * اُس کو بَہُت جگایا مگر فجر(یا تہجُّد)کیلئے نہیں اُٹھا،بس *مُردے کی طرح سویاپڑا رہا* باجماعت نَماز کی پابندی نہیں کرتاخ پیر شریف کا روزہ نہیں رکھتا * جب بھی اجتماع کی دعوت دیتا ہوں''آنٹی مار دیتا ہے''* مَدَنی اِنعامات پر عمل کرنے میں سُست ہے * اجتماع میں دیر سے آتایا * باہَر بستوں پر گھومتا *یا ہوٹل میں بیٹھا یا *دوستوں کے ساتھ باتیں کرتا رہتا ہے * مَدَنی مشورے میں ہمیشہ تاخیر سے آتا ہے* کبھی مدنی قافلے میں سفر نہیں کرتا اور* سمجھاؤ تو جھوٹے بہانے کر دیتا ہے۔