Brailvi Books

غیبت کی تباہ کاریاں

333 - 504

فرمانِ مصطَفےٰ :(صلی اللہ تعالیٰ علیہ واٰلہٖ وسلّم)جس کے پاس میرا ذکر ہو اور وہ مجھ پر دُرُود شریف نہ پڑھے تو لوگوں میں وہ کنجوس ترین شخص ہے۔

40ہزار روپے مالیت کی ویڈیو سی ڈیز ضائِع کردیں ۔ مِنی سینما کی جگہ پر مکتبہ قائم کیا جس میں مکتبۃُ المدینہ کا سامان یعنی کتابیں، وی سی ڈیز وغیرہ رکھیں اور رزقِ حلال کمانے میں مصروف ہوگئے ۔اللہ عَزَّوَجَلِّ  انہیں اور ہمیں استِقامت نصیب فرمائے ۔

اٰمین بِجاہِ النَّبِیِّ الْاَمین صلَّی اللہ تعالیٰ علیہ واٰلہٖ وسلَّم

گناہوں سے مجھ کو بچا یاالہٰی

مجھے  نیک  بندہ  بنا  یاالہٰی

صَلُّوا عَلَی الْحَبِیب ! صلَّی اللہُ تعالٰی علٰی محمَّد تُوبُوا اِلَی اللہ! اَسْتَغْفِرُاللہ صَلُّوا عَلَی الْحَبِیب ! صلَّی اللہُ تعالٰی علٰی محمَّد

حضرتِ سیِّدُنا عبداللہ ابنِ عبّاس رضی اللہ تعالیٰ عنہما سے کسی نے سُوال کیا:جو شخص(نفلی)عبادت بھی زیادہ کرتا ہے اور گناہ بھی زیادہ کرتا ہے وہ بہتر ہے یا وہ جو کہ (نفلی)عبادت بھی کم کرتا ہے اور گناہ بھی کم کرتا ہے؟ حضرتِ سیِّدُنا ابنِ عبّاس رضی اللہ تعالیٰ عنہما نے جواب دیا : جو شخص (نفلی)عبادت کم کرتا ہے اور گناہ بھی کم کرتا ہے وہ بہتر ہے اور سلامتی اُسی کیلئے ہے۔