Brailvi Books

بدمعاش کے نام سے پہچانا جانے لگا۔ میں عمر میں ضَرور چھوٹا تھا مگر میں کسی سے ڈرے بِغیر سامنے والے پر پے درپے وار کرنا شروع کردیتا تھا۔ ہر طرف میری دھاک بیٹھ گئی ،لوگ میرے نام سے ڈرنے لگے۔ والِدَین مجھ سے بے زار ہوچکے تھے مگر بے بس تھے۔ میرے کالے کرتوت دن بدِن بڑھتے جا رہے تھے۔ ایک دن گلی کے نُکڑ پر ایک سبز عمامے والے اسلامی بھائی کو چوک درس دیتا دیکھ کر میں قریب جا کھڑا ہوا، جو کچھ سُنا وہ مجھے بَہُت اچّھا لگا۔ میں نے کتاب پر نظر ڈالی تو اس پر فیضانِ سنّت لکھا تھا۔درس دینے والے اسلامی بھائی نے مجھ سے بڑی مَحَبَّت کے ساتھ ملاقات کی اور اِنفِرادی کوشِش کرتے ہوئے مجھے مَدَنی قافِلے میں سفرکی دعوت پیش کی، فیضانِ سنّت کے درس نے میرے اندر ہلچل مچا رکھی تھی، میں نے حامی بھر لی اور عاشقانِ رسول کے ہمراہ تین دن کیلئے دعوتِ اسلامی کے سنّتوں کی تربیَّت کے مَدَنی قافلے میں سفر کرتے ہوئے ''جنک پور''پہنچا اور مزیدتین دن کیلئے راہ ِخدا عَزَّوَجَلَّ میں ''جگن ناتھ پور''جانے والے مَدَنی قافِلے کے ساتھ سنّتوں بھرے سفر کی سعادت حاصِل کی۔