Brailvi Books

    دعوتِ اسلامی کے اِشاعتی ادارے مکتبۃُ المدینہ کی مطبوعہ 300 صَفحات کی کتاب ''آنسوؤں کادریا''میں ہے: فَقِیہ ابوالحسن علی بن فَرحون قُرطُبی علیہ رحمۃ اللہ الولی اپنی کتاب ''اَلزّاہِر' 'میں فرماتے ہیں:میں نے 555 سِنِ ھِجری میں ''شہرِفاس ''میں انتِقال کرنے والے اپنے چچا کو خواب میں دیکھا کہ گھر کے اندرتشریف لائے اور دیوار سے ٹیک لگا کربیٹھ گئے، میں بھی ان کے سامنے بیٹھ گیا ،میں نے ان کا بدلا ہوا رنگ دیکھا تو پوچھا :چچا جان !آپ کو آپ کے رب عَزَّوَجَلَّ سے کیا ملا؟''فرمایا:''بیٹا!مہربان سے مہربانی کے سوا اور کیا ملتا ہے ، اللہ عَزَّوَجَلَّ  نے غیبت کے علاوہ ہر چیز میں مجھ پرنرمی فرمائی،میں مرنے کے بعد سے لیکر اب تک غیبت کی وجہ سے حِراست (یعنی قید)میں ہوں، اب تک میرا یہ گناہ مُعاف نہیں ہوا ،بیٹا ! میں تمہیں نصیحت کرتاہوں کہ غیبت و چغلی سے بچتے رہنا کیونکہ میں نے آخرت میں غیبت سے بڑھ کر کسی اور چیز پر پکڑ نہیں دیکھی۔ یہ کہہ کر وہ مجھ سے رخصت ہوگئے ۔