Brailvi Books

میٹھے میٹھے اسلامی بھائیو!اِس حِکایت سے روزِ روشن کی طرح واضح ہوا کہاللہ عَزَّوَجَلَّ  کی عطا سے ہمارے میٹھے میٹھے آقا مکّی مَدَنی مصطَفٰے صلَّی اللہ تعالیٰ علیہ واٰلہٖ وسلَّم کو علمِ غیب حاصِل ہے اور آپ صلَّی اللہ تعالیٰ علیہ واٰلہٖ وسلَّم کو اپنے غلاموں کے تمام معاملات معلوم ہوجاتے ہیں۔جبھی تو اُن لڑکیوں کے بارے میں مسجِد شریف میں بیٹھے بیٹھے غیب کی خبر ارشاد فرما دی۔اِس حِکایت سے یہ بھی پتا چلا کہ غِیبت اور دُوسرے گناہوں کا اِرتِکاب کرنے سے براہِ راست اِس کا اثر روزے پربھی پڑسکتا ہے جس کی وجہ سے روزہ کی تکلیف ناقابِلِ برداشت ہوسکتی ہے ۔بَہَرحال روزہ ہویا نہ ہو، زَبان قابُو ہی میں رکھنی چاہے ورنہ یہ ایسے گُل کِھلاتی ہے کہ تَوبہ!

سرورِ  دیں  لیجے  اپنے  نا تُوانوں  کی  خبر

نفس و شیطاں سیِّدا ! کب تک دباتے جائینگے

صَلُّوا  عَلَی الْحَبِیب !               صلَّی اللہُ تعالٰی علٰی محمَّد

(۲)غیبت سے باز رکھنے کا حسین انداز

    حضرتِ سیِّدُناسُفیان بن حسین رحمۃ اللہ تعالیٰ علیہ کہتے ہیں کہ میں حضرت سیِّدُنااِیَاس بن مُعاوِیہ رحمۃ اللہ تعالیٰ علیہ کے پاس بیٹھا ہوا تھا، اتنے میں ایک شخص قریب سے گزرا، میں نے اُس کی بُرائی بیان کرنا شروع کر دی ، انہوں نے کہا :