Brailvi Books

بندے سے بھی مُعافی مانگے

جس کی''غیبت ''کی اُس کو پتا نہیں چلا تو اُس سے مُعافی مانگنا ضَروری نہیں ۔اللہُ غفّارعَزَّوَجَلَّ کے دربارمیں توبہ واستِغفار کیجئے اور دل میں پکّا عہد کیجئے کہ آئندہ کبھی کسی کی غیبت نہیں کروں گا۔ اگر اُس کو معلوم ہو گیا ہے تو اُس کے پاس جا کر غیبت کے مقابِل اُس کی جائز تعریف ، اور اس سے مَحَبَّت کا اظہار کیجئے، تاکہ اُس کا دل خوش ہو اور عاجِزی کے ساتھ عرض کیجئے کہ میں نے جو آپ کی غیبت کی ہے اُس پر نادِم ہوں مجھے مُعاف فرما دیجئے۔ اب بالفرض وہ مُعاف نہ بھی کرے تب بھی اِن شاءَ اللہ آخِرت میں مُوَ اخَذَہ نہ ہو گا۔ہاں اگر رَسْمی طور پر(SORRYکہہ دیا)بِلااِخلاص مُعافی مانگی اور اُس نے مُعاف کر بھی دیا تب بھی آخِرت میں مُو اخَذے(یعنی پوچھ گچھ) کا خوف باقی ہے۔

(ماخوذ از:بہار شریعت حصّہ ۱۶ ص ۱۸۱)

صدقہ پیارے کی حیا کاکہ نہ لے مجھ سے حساب

بخش  بے  پوچھے   لَجائے  کو  لَجانا   کیا  ہے