Brailvi Books
 |
غیبت کی تباہ کاریاں |
270 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)جس نے مجھ پر دس مرتبہ صبح اور دس مرتبہ شام درود پاک پڑھا اُسے قِیامت کے دن میری شفاعت ملے گی۔
غُل مچائے گا،دوزخ میں جائے گا
میٹھے میٹھے اسلامی بھائیو!جو شخص غیبت کرتا ہے اُس کو سوائے اپنے نقصان کے کچھ ہاتھ نہیں آتاحتّٰی کہ اگر توبہ کر کے مرا ہے تو اگر چِہ قِیامت میں اس کو غیبت پر عذاب نہ ہو گاتاہم جنّت میں سب لوگوں کے بعد جائے گا۔ اور اس سبب سے بَہُت سخت پچھتائے گا اور ندامت اُٹھائیگا۔ اوراگربِغیر توبہ کے مرا اور اللہ عَزَّوَجَلَّ غَضَبناک ہواتو بروزِقِیامت سب سے قبل جہنَّم میں جائے گا ، اگر چِہ غُل بہت مچائے گا ، چیخے گا ، چِلّائے گا مگر رونا دھونا وہاں کام نہ آئے گا۔
دیکھئے کیا حشر کو ہو میرا حال مجھ کو رہتا ہے یہی ہر دم ملال ہو کرم مجھ پر خدائے ذوالجلال مجھ کو جنّت دے جہنَّم میں نہ ڈال