Brailvi Books
 |
غیبت کی تباہ کاریاں |
261 - 504
فرمانِ مصطَفےٰ:(صلی اللہ تعالیٰ علیہ واٰلہٖ وسلّم)اُس شخص كی ناك خاك آلود ہو جس كے پاس میرا ذكر ہو اور وہ مجھ پردُرُودِپاك نہ پڑھے۔
ظاہری اچّھی صحبتوں میں بھی غیبتوں کا مَرَض!
حضرتِ سیِّدُنا شیخ عبدُالوہّاب شَعرانی قُدِّسَ سرُّہُ النُّورانی فرماتے ہیں:مجھے یاد نہیں کہ میں نے اِس زمانے کے مشائخ میں سے کسی سے ملاقات کی ہو اور میرا اس کے ساتھ بیٹھنا غیبت سے محفوظ رہاہو، ایسا بَہُت کم ہوا اسی لئے میں نے اپنے دین کی اور اُن کے بھی دین کی حفاظت کی خاطِر ان سے ملاقات کم کردی مگر ان کے حُقوق میں سُستی نہیں کی۔جب بُزُرگوں کی مجلسوں کا یہ حال ہے تو دوسروں کی بیٹھکوں کاکیا عالم ہو گا!تو اے بھائی!اس زمانے میں جب کسی شخص سے ملاقات کرے تو اپنے نفس کی مکمَّل حفاظت کر اور اس مُعامَلے میں ہرگزسُستی نہ کر۔
(تَنبِیہُ الْمُغتَرِّیْن ص۲۲۴)