Brailvi Books

صَلُّوا  عَلَی الْحَبِیب !                صلَّی اللہُ تعالٰی علٰی محمَّد

مَیل جول کا اہل کون؟

لوگوں سے میل جول کے اَہل کی مثال دیتے ہو ئے حُجَّۃُ الْاِسلام حضرت سیِّدُنا امام محمدبن محمد غزالی علیہ رحمۃ اللہ الوالی فرماتے ہیں:حضرتِ سیِّدُنا طاؤس علیہ رَحمَۃُ اللہِ القُدّوس خلیفہ وقت ہَشّام کے پاس تشریف لے گئے اور پوچھا:ہشّام !کیسے ہو؟اس نے غصّے سے کہا :آپ نے مجھے''امیرُ المؤمنین ''کہہ کر مخاطب کیوں نہیں کیا؟ فرمایا: اس لئے کہ تمام مسلمان تمہاری خِلافت سے مُتَّفِق نہیں ہیں ، لہٰذا میں ڈرا کہ تمہیں امیرُالمؤمنین کہنا کہیں جھوٹ نہ ٹھہرے ۔ حُجَّۃُ الْاِسلام حضرتِ سیِّدُنا امام محمدبن محمد غزالی علیہ رحمۃ اللہ الوالی اِس حکایت کو نقل کرنے کے بعد فرماتے ہیں:لہٰذا جو آدمی اس قَدَرکَھرا اور صاف گو ہو اور اس قسم کی باتوں(مَثَلاً غیبتوں ، چغلیوں ، ریاکاریوں،خود پسندیوں، خوشامدوں وغیرہ وغیرہ )سے بچ سکتا ہو وہ بے شک لوگوں میں مِل جُل کر رہے ورنہ اپنا نام مُنافِقوں کی فِہرست میں لکھوانے پر راضی ہو جائے۔

(ماخوذ از :اِحیاءُ الْعُلوم ج۲ ص۲۸۷)