Brailvi Books
 |
غیبت کی تباہ کاریاں |
255 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)مجھ پر کثرت سے دُرُود پاک پڑھو بے شک تمہارا مجھ پر دُرُود پاک پڑھنا تمہارے گناہوں کیلئے مغفرت ہے۔
سُوال:
عورت مسلمان ہو گئی مگر شوہر ابھی تک کافِر ہے، نکاح کا کیا بنا؟
جواب:صدرُالشَّرِیْعَہ ، بَدْرُ الطَّریقہ، حضرتِ علامہ مَوْلانامُفتی محمد امجَد علی اعظمی علیہ رحمۃ اللہ القوی فرماتے ہیں: جو عورت یا مرد مشرَّف باسلام ہوتفریق (یعنی دونوں کو الگ کرنے)کے لئے یہ شرط ہے کہ عرض اسلام دوسرے پر کیا جائے وہ انکارکر دے تو فرقت(یعنی جُدائی ۔علیحدگی)ہوجائے گی اور عرض اسلام قاضی کا کام ہے یہاں یہ چیز نا ممکن سی ہے ایسی جگہ کے لئے حکم یہ ہے کہ عورت مشرَّف باسلام ہوتوجب تک تین حیض نہ گزارلے فرقت نہیں ہوگی تین حیض یا غیرحائض (یعنی جس کو حیض نہ آتا ہو اس)کے لئے تین ماہ گذرنے سے پہلے نکاح کی اجاز ت نہیں۔