Brailvi Books

اگر کسی مسلمان نے مرتے وَقت بظاہر کلمہ نہ پڑھا اور کسی نے کہا کہ''اِس کو کلمہ نصیب نہیں ہوا''اُس نے اِس مرنے والے کی غیبت کی، اِس ضِمن میں ایک ایمان افروز حکایت مُلاحَظہ فرمایئے چُنانچِہ حضرتِ علامہ عبد الحیی لکھنوی علیہ رَ حمۃُ اللہِ القوی فرماتے ہیں: میرے بُزُرگوں میں ایک ولیُّ اللہ یعنی مولانا محمد اظہار الحق لکھنوی رحمۃ اللہ تعالیٰ علیہ نے انتِقال کیا اور مرتے وَقت ان کی زَبان سے کلمہ نہ نکلا ، لوگوں نے ان پر چادر ڈال دی اور تجہیز و تکفین کا انتِظام کیا، جب سب لوگ باہَر نکلے تو بعضوں نے بطورطَعن کے کہا کہ ظاہِر میں نہایت مُتَّقِی تھے اور مرتے وقت زَبان سے کلمہ بھی نہ نکلا ، اس بات سے تمام حاضِرین کو رنج ہوا، اتنے میں مولانا مرحوم نے دونوں پاؤں کو سمیٹا اور بآواز بُلند کلمہ پڑھا ، جب لوگوں کے کانوں میں آواز پہنچی تو طَعن کرنے والوں کو لوگوں نے مَطعُون کیا(یعنی بُرا بھلا کہا)۔

(غیبت کیا ہے ص ۱۹)

مرے ہوئے کافر کی غیبت

شارِح بخاری مفتی شریف الحق امجدی علیہ رحمۃ اللہ القوی لکھتے ہیں :کُفّار کی بُرائی بیان کرنی جائز ہے اگر چِہ وہ مرگئے ہوں البتّہ اگر مرنے والے کفّار کے اہل و عیال مسلمان ہوں اور ان کے کافِر ماں باپ ،اُصول (یعنی دادا وغیرہ)کی بُرائی کرنے سے انہیں اِیذا پہنچے تو اس سے بچنا