Brailvi Books
 |
غیبت کی تباہ کاریاں |
170 - 504
فرمانِ مصطَفےٰ:(صلی اللہ تعالیٰ علیہ واٰلہٖ وسلّم)جس نے مجھ پر سو مرتبہ دُرُود پاک پڑھا اللہ تعالیٰ اُس پر سو رحمتیں نازل فرماتا ہے ۔
سیاسی تبصروں کی بیٹھکیں
میٹھے میٹھے اسلامی بھائیو! اِس حکایت سے معلوم ہوا کہ سیاسی قائدین ، اربابِ اقتِدار اور حکمران طبقے کی غیبت کی بھی کُھلی چھوٹ نہیں۔ صد کروڑ افسوس!آج کل شاید ہی ہماری کوئی نشست ایسی ہو جس میں کسی سیاسی لیڈر یا وزیر یا قومی یا صوبائی اسمبلی کے کسی رُکن کی عزّت کی دھجّیاں نہ اُڑائی جاتی ہوں۔ کبھی وزیر اعظم ہَدَفِ تنقید ہوتا ہے توکبھی صدر،کبھی وزیرِ اعلیٰ کی شامت آتی ہے تو کبھی گورنر کی۔ مختلف لوگوں کیمُتَعَلِّق نام بنام زور دارمَنفی(NEGATIVE)بحثیں کی جاتیں ، جی بھر کر کیچڑ اُچھالا جاتا اور ایک سے ایک بُرے نام رکھے جاتے ہیں۔غور سے سنئے !ربِّ کائنات عَزَّوَجَلَّ پارہ 26سورۃُ الحُجُرات آیت نمبر 11 میں ارشاد فرماتا ہے:
وَلَا تَنَابَزُوۡا بِالْاَلْقَابِ ؕ