Brailvi Books

جب کسی کا بچّہ بیمار ہو جائے، کوئی بے روز گار یا قرضدار ہوجائے،حادِثے کا شکار ہو جائے،چور یا ڈاکو مال لیکرفِرار ہو جائے ،کاروبار میں نقصان سے ہمکنار ہو جائے کوئی چیز گم ہو جانے کے سبب بیقرار ہو جائے، اَلغَرَض کسی طرح کی بھی پریشانی سے دو چار ہو جائے اُس کی دلجوئی کیلئے زَبان چلانا بَہُت بڑے ثواب کاکام ہے چُنانچِہ حضرتِ سیِّدُنا جابِر رضی اللہ تعالیٰ عنہ سے روایت ہے کہ حُسنِ اَخلاق کے پیکر،نبیوں کے تاجور،رسولِ انور، مَحبوبِ رَبِّ اکبرعَزَّوَجَلَّ وصلَّی اللہ تعالیٰ علیہ واٰلہٖ وسلّم کا ارشادِ روح پرور ہے: ''جو کسی غمزدہ شخص سے تعزیَّت کر ے گا اللہ عَزَّوَجَلَّ اُسے تقوٰی کا لباس پہنائے گا اور رُوحو ں کے درمِیان اس کی رُوح پر رَحمت فرمائے گا اور جو کسی مصیبت زدہ سے تعزیَّت کریگااللہ عَزَّوَجَلَّ اُسے جنّت کے جوڑوں میں سے دوایسے جوڑے پہنائے گا جن کی قیمت (ساری)دنیا بھی نہیں ہوسکتی۔''