Brailvi Books
 |
غیبت کی تباہ کاریاں |
165 - 504
فرمانِ مصطَفٰے:(صلی اللہ تعالیٰ علیہ والہ وسلم )جس کے پاس میرا ذکر ہو اور اُس نے مجھ پر دُرُود شریف نہ پڑھا اُس نے جفاء کی۔
جس کی غیبت کی جائے وہ فائدے میں۔۔۔۔
جب آپ کو معلوم ہو کہ میری غیبت کی گئی ہے تو سِیخ پا ہونے(یعنی غصّے میں آ جانے)کے بجائے صَبْر و تَحمُّل(تَ۔ حَم۔مُل)سے کام لیجئے اور یوں بھی نقصان اُسی کا ہوتا ہے جس نے غیبت کی ، جس کی غیبت کی گئی وہ توفائدے ہی میں رہتا ہے چُنانچِہ حضرتِ سیِّدُنا ابو اُمامہ رضی اللہ تعالیٰ عنہ فرماتے ہیں:بندے کو قِیامت کے دن جب اس کا نامہ اعمال دیا جائے گا تو وہ اُس میں ایسی نیکیاں دیکھے گا جو اِس نے نہ کی ہوں گی، عرض کریگا:اے میرے رب عَزَّوَجَلَّ!یہ میرے لیے کہاں سے آگئیں ؟ کہا جائے گا: یہ وہ نیکیاں ہیں جو لوگوں نے تمہاری غیبت کی تھی۔
(تَنبِیہُ الْمُغتَرِّیْن ص۱۹۲)