Brailvi Books
 |
غیبت کی تباہ کاریاں |
164 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)جس کے پاس میرا ذکر ہو اور وہ مجھ پر دُرُود شریف نہ پڑھے تو لوگوں میں وہ کنجوس ترین شخص ہے۔
قِیامت میں ایک ایک لفظ کا حساب ہو گا
میٹھے میٹھے اِسلامی بھائیو!آہ!بروزِ قِیامت ایک ایک لفظ کا حساب ہو گا ۔ غور کیجئے !اس فانی دُنیا میں ''عمرِ عزیزکے چار دن '' گزارنے کے بعدہمیں اندھیری قَبْر میں اُتار دیا جائے گااور پھر اس کی وَحشَت آمیز تنہائیوں میں نہ جانے کتنا عرصہ ہمارا قِیام ہوگا ۔ پھر جب عرصہ مَحشَر میں حساب و کتاب کیلئے حاضِری ہو گی تو اپنا ہرہر عمل اپنے نامہ اَعمال میں لکھا ہوا دِکھائی دے گا جیسا کہ قراٰنِ مجید ،فرقانِ حمید کے پارہ 30 سورۃُ الزِّلزال آیت نمبر 6تا8میں ارشاد ہوتا ہے :
یَوْمَئِذٍ یَّصْدُرُ النَّاسُ اَشْتَاتًا ۬ۙ لِّیُرَوْا اَعْمَالَھُمْ ؕ﴿۶﴾فَمَنۡ یَّعْمَلْ مِثْقَالَ ذَرَّۃٍ خَیۡرًا یَّرَہٗ ؕ﴿۷﴾وَ مَنۡ یَّعْمَلْ مِثْقَالَ ذَرَّۃٍ شَرًّا یَّرَہٗ ٪﴿۸﴾