Brailvi Books

میٹھے بول کی میٹھی حکایت

میٹھے میٹھے اسلامی بھائیو!دیکھا آپ نے! مسلمان کے بارے میں بھلائی والا میٹھا بول بولنے والے کو فرشتے دعائے خیر سے نوازتے ہیں اور غیبت وغیرہ کرنے والوں کو تنبیہ کرتے ہیں لہٰذا ہمیں ہمیشہ زَبان سے میٹھا بول ادا کرنے کی سعی کرنی چاہئے اور میٹھا بول تو پھر میٹھا بول ہے اِس کی مٹھاس وہ رنگ لاتی ہے کہ عقلیں دنگ رہ جاتی ہیں !اِس ضِمن میں ایک حکایت سنئے اور جھومئے چُنانچِہ خُراسان کے ایک بُزُرگ رحمۃ اللہ تعالیٰ علیہ کو خواب میں حکم ہوا: ''تا تا ری قوم میں اسلام کی دعوت پیش کرو !''اُس وَقت ہلا کو کابیٹا تگودار بَر سرِ اِقتِدار تھا۔ وہ بُزُرگ رحمۃ اللہ تعالیٰ علیہ سفر کر کے تگودار کے پاس تشریف لے آئے۔ سنّتوں کے پیکر بارِیش مسلمان مبلِّغ کو دیکھ کراُسے مسخری سوجھی اور کہنے لگا:''میاں !یہ تو بتا ؤ تمہاری داڑھی کے با ل اچّھے یا میرے کُتّے کی دم ؟''بات اگرچِہ غصّہ دلانے والی تھی مگرچونکہ وہ ایک سمجھدار مبلِّغ تھے لہٰذا نہایت نرمی کے ساتھ فرمانے لگے: '' میں بھی اپنے خا لِق ومالِک اللہ عَزَّوَجَلَّ کاکتّا ہوں اگر جاں نثاری اور وفاداری سے اسے خوش کرنے میں کامیاب ہوجاؤں تو میں اچّھا ورنہ آپ کے کُتّے کی دُم ہی مجھ سے اچّھی ''چُونکہ وہ ایک باعمل مُبلِّغ تھے غیبت وچُغلی، عیب جوئی اور بد کلامی نیز فُضول گوئی وغیرہ سے دُور رہتے ہوئے اپنی زَبان ذِکرُ اللہ عَزَّوَجَلَّ سے ہمیشہ تَر رکھتے تھے لہٰذا ان کی زَبان سے