Brailvi Books

اَلْحَمْدُلِلّٰہ عَزَّوَجَلَّ

تادمِ بیان وہ لڑکی اب نہ صرف رُوبہ صحت ہے بلکہ اُس کی شادی بھی ہوچکی ہے۔

     اگر  دردِ  سر  ہو، کہیں  کینسر ہو،       دلائے گا تم کو  شفا  مَدَنی ماحول

      شفائیں ملیں گی، بلائیں ٹلیں گی        یقینا ہے بَرَکت بھرا مَدَنی ماحول

صَلُّوا  عَلَی الْحَبِیب !              صلَّی اللہُ تعالٰی علٰی محمَّد

کوئی مرض لاعلاج نہیں

میٹھے میٹھے اسلامی بھائیو! دیکھا آپ نے!سنّتوں بھرے اجتِماع کی بَرَکت سے ڈاکٹروں کے بقول لاعلاج ماناجانے والا کینسر بھی ٹھیک ہو گیا ، حقیقت یہ ہے کہ کوئی مرض ایسا نہیں جس کی دَوا نہ ہو چُنانچِہ دعوتِ اسلامی کے اِشاعتی ادارے مکتبۃُ المدینہکی مطبوعہ 114 صَفحات پر مشتمل کتاب ، ''گھریلو علاج''صَفْحَہ1پر ہے:اللہ عَزَّوَجَلَّ کے حبیب صلَّی اللہ تعالیٰ علیہ واٰلہٖ وسلَّم کا فرمانِ صحّت نشان ہے:ہر بیماری کی دواء ہے، جب دواء بیماری تک پہنچا دی جاتی ہے تواللہ عَزَّوَجَلَّ کے حکم سے مریض اچھا ہو جاتا ہے۔

                            (صَحیح مُسلِم ص۱۲۱۰ حدیث ۲۲۰۴)