Brailvi Books

یاد رہے! تِلاوتِ قرآن،حمدو ثنا، مُناجات و دعا، دُرُود و سلام، نعت ، خطبہ، درس، سنّتو ں بھرا بیان وغیرہ سب ''ذِکرُ اللہ عَزَّوَجَلَّ ''میں شامل ہیں۔ اسلامی بھائیوں کو چاہئے کہ رو زانہ کم سے کم12 مِنَٹ بازار میں فیضانِ سنّت کا درس دیں۔جتنی دیر تک درس دیں گے اُتنی دیر تک کیلئے دیگر فضائل کے علاوہ اسے بازار میں ذِکرُ اللہ عَزَّوَجَلَّ کرنے کا ثواب بھی حاصِل ہو گا۔ فیضانِ سنَّت کے درس کی بھی کیا خوب مَدَنی بہاریں ہیں، کاش!اسلامی بھائی مسجِد ، گھر،بازار،چوک،دکان وغیرہ میں اور اسلامی بہنیں گھر میں روزانہ دو درس دینے یا سننے کا معمول بنا کر خوب خوب ثواب لوٹیں اور ساتھ ہی ساتھ اس دعائے عطّارؔ کے بھی حقدار بن جائیں:یاربِّ محمّدعَزَّوَجَلَّ و صلَّی اللہ تعالیٰ علیہ واٰلہٖ وسلَّم !جو اسلامی بھائی یا اسلامی بہن روزانہ دو درس دیں یا سنیں ان کو اور مجھے بے حساب بخش اور ہمیں ہمارے مَدَنی آقا صلَّی اللہ تعالیٰ علیہ واٰلہٖ وسلَّم َّکے پڑوس میں اکٹّھارکھ۔