Brailvi Books
 |
غیبت کی تباہ کاریاں |
124 - 504
فرمانِ مصطَفےٰ :(صلی اللہ تعالیٰ علیہ واٰلہٖ وسلّم)مجھ پر دُرُود پاک کی کثرت کروبے شک یہ تمہارے لئے طہارت ہے ۔
ایک تنکے نے جنَّت سے روک دیا
دعوتِ اسلامی کے اِشاعتی ادارے مکتبۃُ الْمدینہ کا مطبوعہ رسالہ ، ''ظلم کا انجام''صَفْحَہ11تا13پر حضرتِ علامہ عبدالوہّاب شَعرانی قُدِّسَ سرُّہُ النُّورانی کی کتاب ''تَنْبِیْہُ الْمُغْتَرِّین''کے حوالے سے نقل کیا گیا ہے:مشہور تابِعی بُزُرگ حضرتِ سیِّدُنا وَہب بن مُنَبِّہ رضی اﷲ تعالیٰ عنہ فرماتے ہیں:ایک اسرائیلی شخص نے اپنے پچھلے تمام گناہوں سے توبہ کی، ستَّر سال تک لگاتار اس طرح بندگی کرتا رہا کہ دن کو روزہ رکھتا اور رات کو جاگ کر عبادت کرتا، نہ کوئی عمدہ غذا کھاتا نہ کسی سائے کے نیچے آرام کرتا۔ اُس کے انتِقال کے بعدکسی نے خواب میں دیکھ کر پوچھا:ما فَعلَ اللہُ بِکَ؟ یعنی اللہ عَزَّوَجَلَّ نے آپ کے ساتھ کیا مُعامَلہ فرمایا؟ جواب دیا :''اللہ عَزَّوَجَلَّ نے میرا حساب لیا، پھر سارے گناہ بخش دیئے مگر ایک لکڑی جس سے میں نے اس کے مالک کی اجازت کے بغیر دانتوں میں خِلال کرلیا تھا (اور یہ مُعامَلہ حُقُوق العباد کا تھا)اوروہ مُعاف کروانا رَہ گیا تھا اسکی وجہ سے میں اب تک جنَّت سے روک دیا گیاہوں۔
(تَنبِیہُ الْمُغتَرِّیْن ص۵۱)