Brailvi Books

اِس سے دین و دنیا کی ڈھیروں بھلائیاں ہاتھ آئیں گی اور ربِّ کریم عَزَّوَجَلَّ نے چاہا تو بیماریوں سے بھی شفا ئیں ملیں گی۔ اِس ضِمْن میں ایک مَدَنی بہار مُلاحَظہ فرمایئے۔ چُنانچِہ بابُ المدینہ کراچی کے ایک اسلامی بھائی کے بیان کا خُلاصہ ہے، میرا ہرنیا کاآپریشن ہوا تھا لیکن 12 ماہ گزرجانے کے باوُجُود تکلیف بدستور باقی تھی، مختلف قِسم کی دوائیں استِعمال کی، ڈاکٹروں کو بھی دکھایا مگر فائدہ نہ ہوا۔ ایک دن ایک اسلامی بھائی نے مَدَنی قافِلے میں سفر کی دعوت دی تو میں نے ان سے کہا،بھائی صاحِب! میرے ساتھ یہ بیماری لگی ہوئی ہے اور آپ حضرات مسجِد میں فرش پر سوتے ہیں اس سے میری تکلیف بڑھ جائے گی۔اُس اسلامی بھائی نے مجھ پرکافی اِنفِرادی کوشِش کی یہاں تک کہ میرا ذِہن بن گیااور میں مَدَنی قافِلے میں سفر کے لئے تیّار ہو کر عالمی مَدَنی مرکز فیضانِ مدینہ حاضِر ہو گیا۔

اَلْحَمْدُلِلّٰہ عَزَّوَجَلَّ

میں نے تین دن کے مَدَنی قافِلے میں عاشقانِ رسول کے ساتھ سُنَّتوں بھرے سفر کی سعادت حاصل کی میرا ہر نیا کا وہ درد جو کسی دوا کو جواب نہیں دے رہا تھا

اَلْحَمْدُلِلّٰہ عَزَّوَجَلَّ

مَدَنی قافِلے کے دوران ہی ختم ہو گیا۔

ہر نیا کا ہو درد اِس سے ہو رنگ زَرد         مت ڈریں چل پڑیں قافلے میں چلو

رحمتیں  لوٹنے   برکتیں   لوٹنے         آئیے  نا   چلیں  قافِلے  میں  چلو

صَلُّوا  عَلَی الْحَبِیب !                صلَّی اللہُ تعالٰی علٰی محمَّد