Brailvi Books

نقصان یا چالان ہو جائے،اَلْغَرَض کسی قسم کی بھی مصیبت آئے اِس پر بعض لوگ خوشی کا اظہار کر کے شُماتَت کی آفت میں جاپڑتے ہیں بلکہ بعض جو کہ ضَرورت سے زیادہ باتونی اور بے عمل ہونے کے باوُجود اپنے آپ کو ''پہنچا ہوا''سمجھ بیٹھتے ہیں وہ تو یہاں تک بول پڑتے ہیں کہ دیکھا!ہم کو ستایا تو اُس کے ساتھ ''ایسا''ہو گیا !گویا وہ چھپی باتوں اورسَربَستہ(یعنی خفیہ )رازوں کے جاننے والے ہیں اور آں بدولت(یعنی اِن)کو اپنے مخالف پر آنے والی مصیبت کے اسباب معلوم ہو جاتے ہیں ، ایسے لوگوں کو ڈر جانا چاہئے کہحُجَّۃُ الْاِسلام حضرت سیِّدُنا امام محمدبن محمد غزالی علیہ رحمۃ اللہ الوالی اِحیاء ُ العلوم جلد اوّل صَفْحہ171پرفرماتے ہیں:کہا گیا ہے کہ کچھ گناہ ایسے ہیں جن کی سزا''بُرا خاتِمہ ''ہے ہم اس سے اللہ عَزَّوَجَلَّ  کی پناہ چاہتے ہیں۔ یہ گناہ''ولایت اور کرامت کاجھوٹا دعویٰ کرنا ہے۔''