Brailvi Books
 |
غیبت کی تباہ کاریاں |
118 - 504
فرمانِ مصطَفٰے:(صلی اللہ تعالیٰ علیہ والہ وسلم )جس نے مجھ پر ایک بار دُرُودِ پاک پڑھا اللہ تعالیٰ اُس پر دس رَحمتیں بھیجتا ہے۔
پُلْصراط سے گزرنے والوں کے مختلف انداز
میٹھے میٹھے اسلامی بھائیو! دیکھاآپ نے !کسی پر عیب لگانا کتنی خطرناک بات ہے!تلوار کی دھار سے تیز بال سے باریک جہنَّم پر بنے ہوئے پُلْصراط پر روک دیا جانا ، خدا کی قسم !بہت بڑی سزا ہے۔پُلْصراط کیمُتَعَلِّق ایک حدیثِ پاک مُلاحَظہ ہو چُنانچِہ اُمُّ الْمؤمِنین حضرتِ سیِّدَتُنا عائشہ صدّیقہ رضی اللہ تعالیٰ عنہا سے مروی ہے ، میرے سر تاج ،صاحِبِ معراج ،محبوبِ ربِّ بے نیاز عَزَّوَجَلَّ و صلی اللہ تعالیٰ علیہ واٰلہٖ وسلَّم نے فرمایا: جہنّم پر ایک پُل ہے جو بال سے زِیادہ باریک اور تلوار سے تیز تر ہے ،اس پر لوہے کے آنکڑے (یعنی ہُک)اور کانٹے ہیں جوکہ اُسے پکڑیں گے جسے اللہ تعالیٰ چاہے گا ۔لوگ اُس پر گزریں گے ،بعض پلک جھپکنے کی طرح ،بعض بجلی کی طرح، بعض ہوا کی طرح ،بعض بہترین اور اچھّے گھوڑوں اور اُونٹوں کی طرح ( گزریں گے )اور فِرشتے کہتے ہوں گے:
''رَبِّ سَلِّمْ ،رَبِّ سَلِّمْ''۔