Brailvi Books

		صدقہ پیارے کی حیا کا کہ نہ لے مجھ سے حساب

 		بخش  بے   پوچھے   لجائے  کو   لجانا کیا ہے

میں نے الیاس قادِری کو مُعاف کیا

تمام اسلامی بھائیوں اور اسلامی بہنوں سے دست بستہ عاجِزانہ عرض کرتا ہوں کہ اگر میں نے آپ میں سے کسی کی غیبت کی ہو،تُہمت دھری ہو،ڈانٹ پلائی ہو، کسی طرح سے دل آزاری کی ہو مجھے مُعاف مُعاف اور مُعاف فرما دیجئے۔ دنیا کا بڑے سے بڑا حقُّ العبد جو تصوُّر کیاجا سکتا ہے فرض کیجئے کہ وہ میں نے آپ کا تَلَف کر دیا ہے وہ بھی اور چھوٹے سے چھوٹا حق جو ضائع کیا ہو اُسے بھی مُعاف کر دیجئے اور ثوابِ عظیم کے حقدار بنئے۔ہاتھ باندھ کر مدنی التجاء ہے کہ کم از کم ایک بار دل کی گہرائی کے ساتھ کہدیجئے :''میں نے اللہ عَزَّوَجَلَّ کیلئے محمد الیاس عطّارؔ قادِری رضوی کو مُعاف کیا۔''

قرضخواہوں سے مَدَنی التجاء

جس کا مجھ پر قرض آتا ہو یا میں نے کوئی چیز عارِیتاًلی ہو اورواپس نہ لوٹائی ہو تو وہ دعوتِ اسلامی کی مرکزی مجلسِ شوریٰ کے نگران یاغلامزادوں سے رُجوع کرے، اگر وُصول کرنا نہیں چاہتا تواللہ عَزَّوَجَلَّ  کی رضا کیلئے مُعافی کی بھیک سے نواز کر ثوابِ آخِرت کا حقدار