Brailvi Books

میٹھے میٹھے اسلامی بھائیو!غیبت ایک ایسی آفت ہے کہ اِس سے بَہُت ہی کم مسلمان محفوظ ہوں گے، ہمیں غیبت اور دیگر گناہوں سے بچنے ، دوسروں کو بچانے اور گنہگاروں کے گناہوں کا بوجھ کم کرنے کی سعی کرنی چاہئے ۔ دوسروں کا بوجھ کم کرنے کی ایک صورت یہ بھی ہے کہ جتنا ہو سکے ہم اپنے حُقُوق مسلمانوں کو مُعاف کر دیں۔اِس کی ترغیب دلاتے ہوئے رسولِ بے مثال ، صاحبِ جُودو نَوال، حبیبِ ربِّ ذُوالجلال، بی بی آمِنہ کے لال عَزَّوَجَلَّ و صلَّی اللہ تعالیٰ علیہ واٰلہٖ وسلَّم ورضی اللہ تعالیٰ عنہا کثرت کے ساتھ یہ ارشاد فرماتے :کیا تم میں سے کوئی ایک اس بات سے عاجز ہے کہ وہ اَبُوْ ضَمْضَمْ کی طرح ہو ۔ انہوں نے عرض کی : اَبُوْ ضَمْضَم کون ہے ؟ ارشادفرمایا: پہلے لوگوں (یعنی پچھلی امت)میں ایک شخص تھا وہ صبح کے وقت یوں کہتا:یا اللہ عَزَّوَجَلَّ!:میں نے آج کے دن اپنی عزّت کو اس آدمی پر صَدَقہ کر دیا جو مجھ پر ظلم کرے ۔