میٹھے میٹھے اسلامی بھائیو!غیبتوں اور گناہوں بھری باتوں سے جان چھڑایئے اور خود کو جنَّت کا حقدار بنایئے۔ تھوڑی سی زَبان چلایئے،
اَسْتَغْفِرُ اللہَ الْعَظِیم
زَبان پر لایئے اورجنَّت کی حوریں پایئے ۔چُنانچِہ ایک بُزُرگ رحمۃ اللہ تعالیٰ علیہ نے چالیس سال تک اللہ عَزَّوَجَلَّ کی عبادت کی۔ ایک بار دعا کی:یا اللہ عَزَّوَجَلَّ !تیری رَحمت سے مجھے جو کچھ جنَّت میں ملنے والا ہے اس کی کوئی جھلک دنیا میں بھی دکھا دے۔ ابھی دعا جاری تھی کہ یک دم محراب شَق ہوئی اور اس میں سے ایک حسینہ و جمیلہ حُور بر آمد ہوئی، اُس نے کہا کہ تجھے جنَّت میں مجھ جیسی سو حوریں عنایت کی جائیں گی،جن میں ہر ایک کی سو سو خادِمائیں اور ہر خادِمہ کی سو سو کنیزیں ہونگی اور ہر کنیزپر سو سو ناظِمائیں (یعنی انتِظام کرنے والیاں)ہونگی۔ یہ سُن کر وہ بُزُرگ خوشی کے مارے جھوم اٹھے اورسُوال کیا: کیا کسی کوجنَّت میں مجھ سے زیادہ بھی ملے گا؟ جواب ملا:اِتنا تو ہر اُس عام جنتّی کو ملے گا جو صبح وشام
اَسْتَغْفِرُ اللہَ الْعَظِیم
صَلُّوا عَلَی الْحَبِیب ! صلَّی اللہُ تعالٰی علٰی محمَّد
مسلمانوں کی آبرو وغیرہ دوسرے مسلمان پر حرام ہے
نبیوں کے سلطان ، رحمتِ عالمیان ، سردارِ دو جہان محبوبِ رحمن عَزَّوَجَلَّ و صلَّی اللہ تعالیٰ علیہ واٰلہٖ وسلَّم کا فرمانِ عبرت نشان ہے:مسلمان کی سب چیزیں مسلمان پرحرام ہیں اس کا مال اور اس کی آبرو اور اس کا خون۔ آدمی کو برائی سے اتنا
