Brailvi Books
 |
فکرِ مدینہ |
51 - 166
جن سے میں بے خبر تھا ، آہ! ہمارے اعمال کا کیا بنے گا کہ جب وہ خداوند ِ عالم ل کی بارگاہ میں پیش کئے جائیں گے ، نہ جانے اس وقت ان کے کیسے کیسے عیوب ونقائص ظاہر ہوں گے جن سے آج ہم بے خبر ہیں ۔''(منہاج العابدین ، ص ۱۸۹ ) (اللہ عزوجل کی اُن پر رحمت ہو..ا ور.. اُن کے صدقے ہماری مغفرت ہو۔آمین بجاہ النبی الامین صلی اللہ تعالی علیہ والہ وسلم )
( 13) روتے ہوئے'' فکر ِ مدینہ'' ....
حضرت سیدنا مالک بن دینار رضی اللہ تعالی عنہ کے بارے میں منقول ہے کہ آپ عشاء کے بعد وضو فرماتے اور اپنی جائے نماز پر کھڑے ہوجاتے ۔ پھر اپنی داڑھی تھام کر روتے اور عرض کرتے ،''اے اللہل ! مالک کے بڑھاپے کو جہنم پر حرام فرمادے ، یا الٰہی عزوجل؛! تو جانتا ہے کہ کون اہل ِ جنت میں سے ہے اور کون دوزخ والوں میں سے ؟ تو میں کن میں سے ہوں؟ اور کون سا گھر میرا ہے (جنت یا دوزخ)؟ ''آپ انہی مناجات میں مصروف رہتے یہاں تک کہ فجر کا وقت ہوجاتا ۔(المتجر الرابح ، ص ۱۸۵) (اللہ عزوجل کی اُن پر رحمت ہو..ا ور.. اُن کے صدقے ہماری مغفرت ہو۔آمین بجاہ النبی الامین صلی اللہ تعالی علیہ والہ وسلم )
(14 ) شہر میں داخلے سے پہلے '' فکر ِ مدینہ'' ....