Brailvi Books
 |
فضائلِ دعا |
110 - 322
ادب ۵۶:أقول:حالت غضب میں بد دعا کا قصد نہ کرے کہ غضب عقل کو چھپا لیتا ہے کیا عجب کہ بعد زوالِ غضب خود اس بد دعا پر نادم ہو، اس مضمون کو حدیث:
((لا یقضي القاضي وھو غضبان))(1)
سے استنباط کر سکتے ہیں۔
ادب ۵۷: دعا میں تکبر اور شرم سے بچے مثلاً تنہائی میں دعا بہ نہایت تضرع والحاح (گریہ وزاری اور گڑ گڑا کر)کر رہا ہے ۔ اپنا منہ خوب گڑ گڑانے کا بنا رہا ہے اب کوئی آگیا تو اس حالت سے شرما کر موقوف کردیا۔ یہ سخت حماقت اورمعاذاللہ، اللہ کی جناب میں تکبر سے مشابہ ہے اس کے حضور گڑگڑانا موجب ہزاراں عزت ہے ،نہ کہ معاذ اللہ خلافِ شان وشوکت۔
ادب ۵۸:دعا میں جیسے کہ بلند آواز نہ چاہیے، نہایت پست بھی نہ کرے اور اس قدر تو ضرور ہے کہ اپنے کان تک آواز پہنچے۔ بغیر اس کے مذہبِ راجح پر کوئی کلام وقراء ت ، کلام وقراء ت نہیں ٹھہرتا۔وقال اللہ تعالٰی: