Brailvi Books
 |
فیضانِ زکاۃ |
92 - 149
صَدَقہ نہ رہا تھا ۔ یوں ہی کوئی مستحق شَخص زکوٰۃ اپنے قَبضہ میں لینے کے بعد کسی بھی آدمی کو تحفۃً دے سکتا یا مسجِد وغیرہ کیلئے پیش کر سکتا ہے کہ مذکورہ مستحق شخص کا پیش کرنا اب زکوٰۃ نہ رہا ، ھَدِیَّہ یا عَطِیَّہ ہو گیا ۔
حیلہ شرعی کا طریقہ
حیلہ شرعی کا طریقہ یہ ہے کسی شرعی فقیر کو زکوٰۃ کا مالک بنادیں پھر وہ(آپ کے مشورے پر یاخود) اپنی طرف سے کسی نیک کام میں خرچ کرنے کے لئے دے دے ۔ تو ان شآء اللہ عَزَّوَجَلَّ دونوں کو ثواب ہوگا ۔ فُقَہائے کرام رَحِمَہُمُ اللہُ تعالٰی ارشاد فرماتے ہیں،زکوٰۃ کی رقم مرُدے کی تَجہیز وتکفين يا مسجِدکی تعمير ميں صَرف نہيں کر سکتے کہ تَمليک فقير ( یعنی فقیر کو مالِک کرنا)نہ پائی گئی ۔ اگر ان اُمور ميں خرچ کرنا چاہيں تو اِس کا طریقہ يہ ہے کہ فقير کو ( زکوٰۃ کی رقم کا ) مالِک کرديں اور وہ ( تعمير مسجِد وغيرہ ميں )صَرف کرے، اس طرح ثو اب دونوں کو ہو گا ۔ (ردالمحتار،کتاب الزکوٰۃ،ج۳،ص۳۴۳)
100 افراد کو برابر برابر ثواب ملے