Brailvi Books

خلیفہ ہونے کے باوجود خودداری
آپ رَضِیَ اللہُ تَعَالٰی عَنْہ کی سب سے بڑی خودداری یہ ہے کہ جب آپ رَضِیَ اللہُ تَعَالٰی عَنْہمنصب خلافت پر جلوہ افروز ہوئے تو بیت المال سے اپنے لیے کوئی وظیفہ مقرر کرنے کے بجائے تجارت کو ترجیح دی اور بازار کی طرف چل پڑے لیکن حضرت سیدنا عمر فاروق اعظم رَضِیَ اللہُ تَعَالٰی عَنْہنے آپ رَضِیَ اللہُ تَعَالٰی عَنْہکو زبردستی اس بات پر راضی کیا کہ آپ کی تجارت امور خلافت میں مخل ہوگی لہٰذا ہم آپ کے لیے بیت المال سے وظیفہ مقرر کردیتے ہیں۔  (تاریخ الخلفاء، ص۵۹)
صدیق اکبر کا حلم وبرد باری و رحم دلی
آسمانوں میں حلیم
حضرت سیدناابوہریرہ رَضِیَ اللہُ تَعَالٰی عَنْہسے روایت ہے کہ بارگاہ رسالت میں حاضرسیدنا جبریل امین عَلَیْہِ السَّلَام نے سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّم  کی خدمت میں عرض کیا: ’’اس رب عَزَّ وَجَلَّ کی قسم جس نے آپ کو مبعوث فرمایا ہے! سیدنا ابوبکر صدیق رَضِیَ اللہُ تَعَالٰی عَنْہزمین کی نسبت آسمانوں میں زیادہ مشہور ہیں اور آسمانوں میں ان کا نام حلیم ہے۔‘‘  (الریاض النضرۃ، ج۱، ص۸۲ ملخصا)
صدیق اکبر کی اہل بیت پر شفقت
حضرت سیدنا عقبہ بن حارث رَضِیَ اللہُ تَعَالٰی عَنْہسے روایت ہے کہ ایک بار حضرت سیدنا ابوبکر صدیق رَضِیَ اللہُ تَعَالٰی عَنْہنماز عصر پڑھ کر باہر نکلے اورحضرت سیدنا علی المرتضیٰ شیرخدا کَرَّمَ اللہُ تَعَالٰی وَجْہَہُ الْکَرِیْم بھی آپ کے ساتھ تھے، آپ رَضِیَ اللہُ تَعَالٰی عَنْہحضرت سیدنا حسن رَضِیَ اللہُ تَعَالٰی عَنْہکے پاس سے گزرے جو اس وقت بچوں کے ساتھ کھیل رہے تھے آپ رَضِیَ اللہُ تَعَالٰی عَنْہ نے نہایت ہی شفقت سے انہیں اٹھا کر اپنی گردن پر بٹھالیا اور فرمایا:’’مجھے میرے والد کی قسم! تو