Brailvi Books
 |
فیضانِ چہل احادیث |
16 - 118
یاد رکھئے توحید ورسالت کی گواہی کے باوجود اگر آدمی سے کوئی ایسا قول یا فعل پایا گیا جس کو سرکارصلی اللہ تعالی علیہ وآلہ وسلم نے کفر کی نشانی فرمایا ہوتو شریعت مطہرہ کے حکم کے مطابق وہ کافر ہوجائے گا اگرچہ بظاہر توحید ورسالت کی تصدیق واقرار کرتا ہو،جیسے بُت کو سجدہ کرنا،زُنّار باندھناوغیرہ۔
(ماخوذازاشعۃاللمعات،ج۱،ص۴۰)
جس شخص نے گناہِ کبیرہ کئے ہوں اور توبہ کئے بغیر مرگیا ہو وہ اللہ تعالیٰ کی مشیّت میں ہے وہ چاہے تو اس کومعاف کردے اور اس کو ابتداء ًجنت میں داخل کردے اور اگر چاہے تو اس کو اتنی دیر عذاب دے جتنا اسے(یعنی اللہ عزوجل ) کو منظور ہو اور پھر جنت میں داخل کر دے۔لہٰذا جو شخص بھی عقیده تو حید ورسالت پر فوت ہوا اس کو دوزخ کادائمی عذاب نہیں ہوگاچاہے وہ گناہ گارکیوں نہ ہو جب کہ اس کے برعکس جس شخص کی موت کفر پر واقع ہوئی وہ جنت میں داخل نہیں ہوگا خواہ اس نے ڈھیروں نیکیاں کر رکھی ہوں۔
(ماخوذ ازشرح مسلم للنووی،کتاب الایمان ، ج ۱، ص۴۱)