Brailvi Books

عقیدتمندوں کی بھی مغفرت

حضرتِ سیِّدُنابِشرِحافی علیہ رحمۃاللہِالکافی کو انتِقال کے بعدقاسم بن مُنَبِہّ نے خواب میں دیکھ کرپوچھا،

ما فَعَلَ اللہُ بِکَ ؟

یعنی اﷲعَزَّوَجَلَّ نے آپ کے ساتھ کیا مَعامَلہ فرمایا؟جواب دیا ، اﷲ عَزَّوَجَلَّ نے مجھے بخش دیا اور ارشاد فرمایا، تم کو بلکہ تمھارے جنازے میں جو جو شریک ہوئے ا ن کو بھی میں نے بخش دیا۔ تو میں نے عرض کیا، یااﷲ عَزَّوَجَلَّ مجھ سے مَحَبَّت کرنے والوں کو بھی بخش دے ۔ تو اﷲ عَزَّوَجَلَّ کی رَحمت مزید جوش پر آئی ،اور فرمایا، قِیامت تک جو تم سے مَحَبَّت کریں گے اُن سب کو بھی میں نے بَخْش دیا۔

(شرح الصُدور ص ۲۸۹)

صَلُّو ا عَلَی الْحَبِیب !            صلَّی اللہُ تعالیٰ علیٰ محمَّد