Brailvi Books
 |
فیضانِ امیرِ اہلسنّت |
34 - 102
نے کس طرح ایک ہیرے کو ایسا چمکایا کہ وہ دعوتِ اسلامی کی مرکزی مجلسِ شورٰی کا رُکن بن کر نُورِ امیرِ اہلسنّت سے جگمگانے لگا ! اس میں کوئی شک نہیں کہ صُحبت ضَرور رنگ لاتی ہے، اچّھی صُحبت اچّھا اور بُری صُحبت بُرا بناتی ہے ۔ لہٰذا ہمیشہ عاشِقانِ رسول کی صُحبت اختیار کرنی چاہے۔
صَلُّو ا عَلَی الْحَبِیب ! صلَّی اللہُ تعالٰی علٰی محمَّد
(7) خوابِ غفلت سے جگا دیا
بابُ الاسلام(سندھ )کے ایک اسلامی بھائی علی اصغرالعطاری المدنی (عمرتقریباً 29سال) کا بیان ہے:یہ 1992 کی بات ہے جب میں اپنے آبائی شہر ''جُھڈّ و'' کے گورنمنٹ ہائی اسکول میں نویں کلاس کا طالب ِ علم تھا ۔ میرے کردار میں ہونے والی تبدیلی اسکول کے اساتذہ اور طلباء کے لئے حیرت کا باعث تھی کہ وہ سب حیران تھے کہ اچانک اس لڑکے کا لب و لہجہ، طور طریقہ ،گفتار و کردار سب کس طرح تبدیل ہو گیا ہے؟ان کی حیرانگی کا باعث یہ تھا کہ الحمدللہ عَزَّوَجَلَّ میں گناہوں بھری زندگی ترک کر کے دعوتِ اسلامی کے مدنی ماحول سے وابستہ ہو چکا تھا۔