Brailvi Books

    ابو کبیرہذلی نے تابط شرا کی ماں سے شادی کی اس وقت تابط شراچھوٹا بچہ تھا جب تابط شرانے ابو کبیر کو اپنی ماں کے پا س کثرت سے آتے جاتے دیکھاتویہ اسے نا گوارگزرا اور ابو کبیر کو بھی اس کے چہرے سے ناگواری کے آثار معلوم ہو گئے معاملہ یوں ہی رہا یہاں تک کہ بچہ جوان ہوگیا، تو ابو کبیر نے اس کی ماں سے کہا مجھے اس لڑکے سے خطرہ محسوس ہورہاہے لہذا میں تیرے قریب نہیں آؤں گا،اس نے کہا کسی حیلہ بہانے سے اسے قتل کردو، پھر ایک دن ابو کبیر نے تابط شرا سے کہا کہ کیاتو لڑائی کے لئے چلے گا ؟اس نے کہا یہ تو میرا محبوب مشغلہ ہے، مجھے لے چلو۔دونوں زا دراہ لئے بغیر چل پڑے، ایک دن اور ایک رات سفر کرنے کے بعد ابو کبیر نے سو چا کہ لڑکے کو بھوک لگ گئی ہوگی، جب شام ہوئی تو ابو کبیر اپنی دشمن قوم کی طرف بڑھا ،جب دو ر سے آگ دکھائی دینے لگی تو ابو کبیر نے کہا: مجھے بھوک لگی ہے ،تم اس آگ کی طرف جاؤ اور ہمارے لئے کچھ لے کر آؤ۔ لڑکے نے کہا: ''وَیحک''تیری ہلاکت ہو،یہ بھی کوئی بھو ک کا وقت ہے !اس نے کہا مجھے تو بھو ک لگ رہی ہے میرے لئے کچھ لاؤ، تو''تابط شرا'' آگ کی طرف گیا اور دیکھا کہ عرب کے دو چو ر آگ تاپ رہے ہیں (جو رات کے وقت آگ کے پاس بیٹھا ہو تا ہے وہ دور سے آنے والے کو نہیں دیکھ سکتا جبکہ دور والا انہیں بآسانی دیکھ سکتاہے )''تابط شرا'' نے ان پر حملہ کیا اور فو را پیچھے ہٹ گیا ، اب وہ اس کی طرف لپکے، جو''تابط شرا''کے زیادہ قریب تھا پہلے اسے قتل کیا پھر دوسرے کی طرف جاکر اسے بھی قتل کردیاپھرآگ کے پاس آیا