Brailvi Books

اوروہ ان پرکثیر نعمتوں کے ساتھ انعام فرمانے والا ہے اوران نعمتوں میں سب سے زیادہ نمایاں وجود کی نعمت ہے

 (وَمَا بِکُم مِّن نِّعْمَۃٍ فَمِنَ اللّہِ) (16/53)

اوران نعمتوں میں کھانے کی نعمت بھی ہے

 (وَھُوَ یُطْعِمُ وَلاَ یُطْعَمُ) (6/14)

جمہور کانظریہ:

     امام رازی ،خلیل ،سیبویہ ،اور اکثر اصولیین اورفقہاء کامختارنیز مجدد اعظم الشاہ الامام احمد رضاخان علیہ رحمۃ الرحمن کا پسندیدہ قول یہ ہے کہ اسم جلالت مشتق نہیں ہے بلکہ وہ ذات باری تعالی کاابتداء ً بغیرکسی صفت کا اعتبار کئے علَم ہے اور اس میں مذکورہ معانی میں سے کسی معنی کا اعتبار نہیں ہے۔

    اور جمہور کے دلائل میں سے یہ بھی ہے کہ اگر یہ مشتق ہوتاتو اس کے معنی میں اشتراک ہوتا ۔ بعض عارفین نے فرمایا کہ یہ علی الاطلاق ذات الٰہی عزوجل (اس حیثیت سے کہ وہ ذات الہی ہے)کااسم ہے نہ کہ ذات الٰہی عزوجل کے صفات کے ساتھ متصف ہونے کے اعتبارسے (اسم ہے)۔اور''الف لام''اس میں لازمی ہے اگریہ اصل کلمہ سے نہ ہوتا تو ''الف لام''پر حرف ندا داخل کرنا جائز نہ ہوتاجیسے آپ کہتے ہیں:''یااﷲ'' لیکن یا الرحمن نہیں کہتے اور ''الف لام ''کااصل میں تعریف کے لئے ہونااور اس اسم سے''الف لام''کا ساقط نہ ہونااس بات کی طرف اشارہ کرتاہے کہ یہ ہمیشہ''معرفہ''ہی رہے گا اوریہ اس بات پر دلالت کرتاہے کہ اس کے کرم کے ثمرات کسی وقت بھی بندے سے جدانہیں ہوتے ۔ اورسیبویہ نے اس کے اشتقاق کاقول کیاہے اس طرح کہ کلمہ جلالت کی اصللاہہے پھر ''الف لام''تعظیم کے لئے داخل کیاگیااہل عربیہ میں سےکَتَّاب نے کہا:جب بسم اﷲکہاجائے توپھر ''الف''کے ساتھ اس کالکھنا متعین ہوگااور''الف ''اسی وقت حذف ہوگا جب

بسم اﷲ الرحمن الرحیم

پورا لکھاجائے۔

 (عَوْنُ المُرِیدِ لشرح جوھرۃ