8۔۔۔۔۔۔
اَمْ مَنْ یُّھِیْنُ لَنَا کَرَائِمَ مالِہٖ ولَنا اِذا عُدْنَا اِلَیْہِ مَعَاد،ترجمہ:
اور کون ہے جو ہمارے لئے اپنا عمدہ مال خرچ کرے اور کون ہے کہ جب ہم اس کے پاس جائیں تو ہمیں نفع دے ۔وقال بِشْرُ بْنُ المُغِیْرَۃِ (الطویل)
شاعر کاتعارف:
شاعر کانام بشربن مغیرہ بن مہلب بن ابی صفرہ ہے اوریہ اسلامی شاعر ہیں۔
اشعار کا پس ِ منظر:
شاعر کاچچا مہلب خراسان اورسجستان کاا میر تھااورشاعرکا باپ مغیرہ اور اس کا چچازاد بھائی یزید بن مہلب کلیدی عہدوں پر فائزتھے شاعرنے ا ن سے اپنے لئے منصب طلب کیا لیکن انہوں نے کوئی توجہ نہیں کی تو اس موقع پرشاعر نے شکو ہ کرتے ہوئے یہ اشعار کہے۔1۔۔۔۔۔۔
جَفانِی الْاَمِیْرُ وَالْمُغِیْرَۃُ قد جَفا وَاَمْسٰی یَزِیْدُ لِیْ قَدِ ازْوَرَّ جَانِبُہ،ترجمہ:
امیر نے مجھ پر ظلم کیااور مغیرہ نے بھی ظلم کیااور یزید نے بھی مجھ سے پہلوتہی کی۔
حل لغات:
جَفَا:جَفَا فلانًا وعلیہِ:(ن)جَفَاءً:منہ پھیرنا۔بے تعلق ہونا۔ (فَأَمَّا الزَّبَدُ فَیَذْہَبُ جُفَاء)(13/17)
اِزْوَرَّ،عنہُ:ہٹنا،منحرف ہونا ، کنارہ کش ہونا۔
2۔۔۔۔۔۔
وکُلُّھُمْ قد نالَ شِبْعًا لِبَطْنِہٖ وَشِبْعُ الْفَتٰی لُؤْمٌ اِذا جاعَ صاحِبُہ،ترجمہ:
ان سب نے شکم سیری کرلی اور نوجوان کاسیر ہوناملامت ہے جبکہ اس کا ساتھی بھوکا ہو۔