Brailvi Books

جواب: نہیں کر سکتے۔جوچیزیں مدرَسے کے طَلَبہ کیلئے کسی نے وَقف کیں وہ طَلَبہ ہی کام میں لائیں اور جو مسجِد میں نَمازیوں کیلئے وقف کی گئیں وہ مسجِد کے نَمازی ہی استعمال کریں ۔ ہاں طَلَبہ بھی اگر مسجِد ہی میں آ کر وہاں کے قراٰنِ پاک میں سے تلاوت کریں تو کوئی حرج نہیں۔ تاہم ان پر اپنا نام وپتا نیز سبق وغیرہ کیلئے قلم سے نشانات نہیں لگا سکتے۔البتّہ وہ مدارس جن کی الگ سے کوئی حیثیت نہیں ہوتی اور وہ مسجِد ہی کی عمارت میں ایک طرف مخصوص جگہ پر قائم ہوتے ہیں جنہیں ''مسجد کا مدرَسہ'' بھی کہا جاتاہے ۔ ان میں اگر مدرَسے کی کوئی شے مسجد میں لے جاکر استعمال کی جائے تو حَرَج نہیں کیونکہ عُرفاً ایسی جگہوں کیلئے فرق نہیں کیاجاتا اور استِعمال میں بھی عُرف یہی ہوتاہے۔