Brailvi Books

    میرے آقا اعلیٰ حضرت،اِمامِ اَہلسنّت،مولیٰناشاہ امام اَحمد رَضا خان عليہ رحمۃُ الرَّحمٰن فرماتے ہیں:سُود کے روپیہ سے جو کارِ نیک کیا جائے اِس میں اِستِحقاقِ ثواب نہیں۔ حدیث شریف میں ہے:'' جو مالِ حرام لے کر حج کو جاتا ہے جب لَبَّیْک کہتا ہے، ہاتِف، غیب سے جواب دیتا ہے: نہ تیری لَبَّیْک قَبول، نہ خدمت پَذیر، اور تیرا حج تیرے منہ پرمَردود ہے۔(1) یہاں تک کہ تُو یہ مالِ حرام(جو) کہ تیرے قبضے میں ہے اُس کے مُستَحِقَّوں کو واپَس دے۔ حدیث میں ہے: رسولُ اللہ صلَّی اللہ تعالیٰ علیہ واٰلہٖ وسلَّم فرماتے ہیں: ''بے شک اللہ عزوجل پاک ہے ،پاک ہی چیزکو قَبول فرماتا ہے'' ۔(2)