بَہَرحال مسلمان کا یہ شَیوہ ہی نہیں کہ خوامخواہ کسی کی تَذلِیل کرے۔ میرے آقا اعلیٰ حضرت رحمۃ اللہ تعالیٰ علیہ فتاویٰ رضویہ جلد24 صَفْحَہ 108 اور 109پر نَقل کرتے ہیں: یہودیوں اور عیسائیوں کے اَخلاق میں سے یہ ہے کہ دوسروں کو الزام لگائے جائیں اور اُن کی عزّت میں ہاتھ ڈالا جائے اور لایعنی وبے مقصدباتوں میں غَوطہ زَنی کی جائے ۔ حضرت سیِّدُنا ابو ہُریرہ رضی اللہ تعالیٰ عنہ سے روایت ہے، سرکارِ مدینہ صلَّی اللہ تعالیٰ علیہ واٰلہٖ وسلَّم نے ارشاد فرمایا: آدَمی کی اسلام کی خوبیوں میں سے ایک یہ ہے کہ وہ کام چھوڑ دے جو اسے نفع نہ دے۔
