Brailvi Books
 |
بیاضِ پاک حجۃالاسلام |
13 - 36
محمد مُصطفٰی نورِ خُدا نامِ خُدا تم ہو
محمد مُصطفیٰ نورِ خُدا نامِ خُدا تم ہو
شَہِ خَیْرُ الْوَریٰ شانِ خُدا صَلِّ عَلٰی تم ہو
شکیبِ دل قرارِ جاں محمد مُصطَفیٰ تم ہو
طبیبِ دردِ دل تم ہو مرے دل کی دوا تم ہو
غریبوں درد مَندوں کی دوا تم ہو دُعا تم ہو
فقیروں بینَوائوں کی صَدا تم ہو ندا تم ہو
حبیبِ کِبرِیا تم ہو اِمَامُ الْاَنْبِیَآء تم ہو
محمد مُصطفیٰ تم ہو محمد مُجْتَبٰے تم ہو
ہمارے مَلجا و ماوا ہمارا آسرا تم ہو
ٹھکانہ بے ٹھکانوں کا شَہِ ہر دوسَرا تم ہو
غریبوں کی مدد بے بس کا بس رُوحی فِدا تم ہو
سہارا بے سہاروں کا ہمارا آسرا تم ہو