Brailvi Books

 میں تجھے آٹھ نصیحتیں کرتا ہوں انہیں قبول کرلے ،کہیں ایسا نہ ہو کہ میدانِ محشر میں تیرا علم تیرا دشمن بن جائے ۔ان آٹھ نصیحتوں میں سے چار ایسی ہیں، جنھیں اپنانا لازمی ہے اور چار ایسی ہیں ،جن کو ترک کرنا ضروری ہے ۔جن چار امور سے دوری لازم ہے وہ یہ ہیں۔

    پہلی نصیحت :جہاں تک ہو سکے کسی سے کسی مسئلہ میں مناظرہ ( اور بحث و مباحثہ) نہ کرنا ۔کیوں کہ اس میں بہت ساری آفتیں و مصیبتیں ہیں۔ اور فائدے سے زیادہ نقصان (اس میں پوشیدہ ) ہے ۔اس بحث و مباحثہ سے ریا، تکبّر ، حسد، کینہ ، بغض وعداوت ، دشمنی ا ور فخر جیسی مذموم اور بُری عادات پیدا ہوتی ہیں۔اگر تیرے اور کسی دوسرے شخص یا گروہ کے درمیان کوئی مسئلہ درپیش ہو اور تیری نیّت اور خواہش یہ ہو کہ حق کو ظاہر کر دیا جائے،  کہ خاموش رہنے کی وجہ سے کہیں حق ضائع نہ ہو ، تَو اب بحث و مبُاحثہ کرنے کی اجازت ہے ۔ لیکن تیرے اس ارادے اور نیّت کے درست ہونے کی دو علامات ہیں۔

(۱)تیرا مقصد صرف اور صرف یہ ہو کہ حق ظاہر ہو، خواہ وہ تیری زبان سے ظاہر ہو یا دوسرے کی زبان سے، اس بارے میں تجھے تشویش نہ ہو۔