Brailvi Books

بہشت کی کنجیاں

60 - 243

بندوں سے معاف کرالینا بھی ضروری ہے۔

(۴)حدیث نمبر ۵ کا یہ مطلب ہے کہ جہاں جہاں وضو کا پانی پہنچتا ہے قیامت میں بدن کا وہ حصہ روشن اور چمکتا ہوگا تو جو شخص اس نورانی چمک کوبڑھانا چاہے اس کو چاہے کہ وہ بکثرت وضوکرے اوراعضائے وضوکوسنت کے مطابق اچھی طرح دھوئے۔

وضو کے دنیاوی فائدے

وضو سے آخرت کے فائدے کے علاوہ بہت سے دنیاوی فوائد بھی ہیں مثلاً :

(۱)باوضو رہنے والا مسلمان شیطان کے وسوسوں اورشیطانی حملوں سے محفوظ رہتا ہے ۔

(۲)وضو بہت سی بیماریوں کا علاج اور تندرستی کا محافظ ہے۔

(۳)وضو کرکے جس کام کے لئے گھر سے نکلیں ان شاء اللہ تعالیٰ وہ کام پورا ہوجائے گا۔ اِسی لئے اولیائے کرام رحمۃ اللہ تعالیٰ علیہم کا یہ طریقہ رہا ہے کہ وہ ہمیشہ یا اکثر اوقات باوضو رہا کرتے تھے۔

(۶) اذان

    اذان بھی جنت میں لے جانے والا عمل اور بہشت کی کنجیوں میں سے ایک کنجی ہے اذان کے فضائل میں بہت زیادہ حدیثیں ہیں جن میں سے چند یہ ہیں۔

حدیث:۱

    حضرت ابن عباس رضی اللہ تعالیٰ عنہما سے روایت ہے کہ رسول اللہ عزوجل و صلی اللہ تعالیٰ علیہ واٰلہ وسلم نے فرمایا:جو سات برس ثواب طلب کرنے کی نیت سے اذان پکارے اس کے لئے جہنم سے نجات کا پروانہ لکھ دیا جاتا ہے۔(1) (مشکوٰۃ،ج۱،ص۶۵)

ــــــــــــــــــــــــــــــــــــــ

1۔۔۔۔۔۔سنن الترمذی،ابواب الصلوٰۃ،باب ماجاء فی فضل الاذان،الحدیث:۲۰۶،ج۱،ص۲۴۸