Brailvi Books

حدیث:۴

     حضرت ابوہریرہ رضی اللہ تعالیٰ عنہ سے روایت ہے کہ رسول اللہ عزوجل وصلی اللہ تعالیٰ علیہ واٰلہ وسلم نے فرمایا کہ میری تمام امت جنت میں داخل ہوگی سوا ان لوگوں کے جو منکر ہوگئے۔ تو کسی نے کہا کہ منکر کون لوگ ہیں؟تو آپ صلی اللہ تعالیٰ علیہ واٰلہ وسلم نے فرمایا کہ جس نے میری فرمانبرداری کی وہ جنت میں داخل ہوگا اور جس نے میری نافرمانی کی وہ منکر ہوگیا۔(1) (مشکوٰۃ،ج۱،ص۲۷)

حدیث:۵

     حضرت ابوہریرہ رضی اللہ تعالیٰ عنہ سے روایت ہے کہ رسول اللہ عزوجل و صلی اللہ تعالیٰ علیہ واٰلہ وسلم نے فرمایا:جو شخص میری امت میں فساد پھیل جانے کے وقت میری سنت پر عمل کریگا اس کو ایک سو شہیدوں کا ثواب ملے گا۔(2) 

    مطلب یہ ہے کہ ایسے زمانے میں جب کہ لوگ حضور اکرم صلی اللہ تعالیٰ علیہ واٰلہ وسلم کی سنتوں سے بے پروائی کرتے ہوں یاسنت پرعمل کرنے والوں کامذاق اڑاتے ہوں اگر ایسے فتنہ وفساد کے زمانے میں کوئی مسلمان حضور اکرم صلی اللہ تعالیٰ علیہ واٰلہ وسلم کی سنت پر مضبوطی کے ساتھ قائم رہ کر اس پر عمل کرتا رہے گا تو ایسے شخص کو ایک سو شہیدوں کا اجرو ثواب ملے گا۔

حدیث:۶

     حضرت مالک بن اَنس رضی اللہ تعالیٰ عنہماسے مُرسل روایت ہے انہوں نے کہا