Brailvi Books
 |
بہشت کی کنجیاں |
111 - 243
بہانے(قربانی کرنے)سے زیادہ اللہ عزوجل کے نزدیک پیارانہیں ہے اوربے شک وہ قیامت کے دن اپنے سینگوں اوربالوں اورکھروں کے ساتھ آئے گااوربے شک قربانی کاخون زمین پرگرنے سے پہلے اللہ عزوجل کے دربارمیں مقبولیت کی جگہ میں پڑجاتاہے لہٰذا تم لوگ اس کوخوش دلی کے ساتھ کرو۔اس حدیث کوترمذی وابن ما جہ نے روایت کیا ہے۔
تشریحات و فوائد
حدیث مذکور کا مطلب یہ ہے کہ یو م النحریعنی ذوالحجہ کی دس تاریخ عیداضحی کے دن اللہ تعالیٰ کو مسلمان کا کوئی عمل بھی قربانی سے زیادہ محبوب اور پیارا نہیں ہے۔ اور قربانی کے جانور کا خون زمین پر گرنے سے پہلے ہی اللہ عزوجل کے دربار میں مقبولیت کے مقام میں پہنچ جاتا ہے۔ چنانچہ یہ مسئلہ ہے کہ قربانی کے جانور کو تول کر اگر اس کے وزن کے برابر چاندی یا سونا بقرہ عید کے دن خیرات کردیں جب بھی اتنا ثواب نہیں ملے گا جتنا کہ اس جانورکی قربانی میں ثواب ملے گالہٰذااے مسلمانو!تمہیں چاہیے کہ قربانی کو نہایت ہی خوشی اورخوش دلی کے ساتھ کیاکرو۔
(۱۹) تلاوتِ قرآن مجید