Brailvi Books
 |
بہارِشریعت حصّہ ہفتم (7) |
-42 - 106
138 عِنّین : عنین اس شخص کو کہتے ہیں کہ اس کا عضوِ مخصوص تو ہو مگر اپنی بیوی سے آگے کے مقام میں دخول نہ کر سکے۔ ( بہارشریعت،ج۲، حصہ۸،ص۲۲۸) 139 عیب : عیب وہ ہے جس سے تاجر وں کی نظر میں چیز کی قیمت کم ہوجائے ۔ (بہارشریعت ،ج۲،حصہ۱۱، ص۶۷۳)
غ
140 غاصب : غصب کرنے والے کوغاصب کہتے ہیں۔ 141 غبن فاحش: سخت قسم کی خیانت،مراد ایسی قیمت سے خریدوفروخت کرناجوقیمت لگانے والوں کے اندازہ سے باہر ہومثلاً کوئی چیزدس روپے میں خریدی لیکن اس کی قیمت چھ ،سات روپے لگائی جاتی ہے،کوئی شخص اس کی قیمت دس روپے نہیں لگاتا تو یہ غبن فاحش ہے۔ (ماخوذمن الدرالمختاروردالمحتار،ج۷،ص۳۷۶) 142 غبن یسیر : ایسی قیمت سے خریدوفروخت کرناجوقیمت لگانے والوں کے اندازہ سے باہر نہ ہومثلاً کوئی چیزدس روپے میں خریدی،کوئی شخص اس کی قیمت آٹھ بتاتا ہے کوئی نوتوکوئی دس تو یہ غبن یسیرہے۔(ماخوذمن الدرالمختاروردالمحتار،ج۷،ص۳۷۶) 143 غصب : مال متقوم، مُحتَرم،منقول یعنی ایسامال جو شرعی لحاظ سے قابل قیمت اورمحترم ہونیزایک جگہ سے دوسری جگہ منتقل کیا جاسکے اس سے جائز قبضہ کو ہٹاکرناجائزقبضہ کرنا غصب کہلاتاہے جبکہ یہ قبضہ خفیہ نہ ہو ۔ (ماخوذازبہارشریعت ،حصہ۱۵،ص۲۳) 144 غلام ماذون وہ غلام جس کے آقا نے اسے تجارت و غیرہ کی عام اجازت دیدی ہو۔ ( بہارشریعت،ج۲، حصہ ۹، ص۲۸۹وحصہ۱۱،ص۷۳۷) 145 غلامِ محجور ایسا غلام جسے مالک نے خرید و فروخت سے روک دیا ہو۔ ( ماخوذاز بہارشریعت ،ج۲،حصہ۱۲،ص۸۴۷) 146 غنیمت : وہ مال جو جہاد فی سبیل اللہ کے ذریعے بزور قوت(حربی)کافروں سے حاصل کیا جاتا ہے۔(التعریفات،ص۱۱۶) 147 غیرمحصَن: آزاد عاقل ،بالغ شخص جس نے نکاح صحیح کے ساتھ وطی نہ کی ہو۔ (ماخوذازبہارشریعت،ج۲، حصہ ۹، ص۳۶۵ )